Kya ho gaya ? Bohat chup hai aaj …

Kuch nahi, bas mood off hai..

Grandmother :  “ Ghar ka khaana pasand nahi aata. Har doosre din burger, coke aur pizza. Daal, roti, sabzi to dushman hain. Depression to hoga hi.”

Grandfather : “ I tell you, this nayi peedi… No exercise, no morning walks… Hame dekho, kheti karte the, roz dand baithak karte the, koi majaal hai kabhi depression hua ho ! Mat suno bade-buzurgon ki. Depression to hoga hi.”

Mom :  “ Raat ko ek baje sote hain. Din mein barah baje utth te hain. Phir kehte hain ki mood off hai. Depression to hoga hi.”

Dad : “ Depression ?? Kis baat ka depression ? Kis cheez ki kami hai tumhe ? Ghar hai, khaana hai, acchha job hai. Aur kya chaiye ? Depression to un logon ko hota hai jo ghar mein pade rehte hain. Tum to apne kaam mein busy rehte ho, depressed hone ka time hai tumhe ? Batao… yahan duniya ki ladkiyan space missions par ho aaiieen, aur meri beti ko depression ho raha hai. Koi baat hui ?” (Sorry Papa, galti ho gayi.)

Sister : “ Aur sun purane bollywood ke gaane. Depression to hoga hi.”

Housekeeper : “ Kabhi ghar ke kaam mein haath batayaa hai ? Depression to hoga hi.”

Aunt : “ Yeh sab English picturon ke karan hai. Koi gaana nahi, koi dance nahi, log marte rehte hain. No happy endings. Depression to hoga hi.”

Uncle : “ Pucca B complex ki kami hai. Depression to hoga hi.”

Cousin : “ Ek mahine se shopping karne nahi chali. Depression to hoga hi.”

BFF : “ Maine bola tha na, uss party mein chal mere saath. Par nahi, dost to bewakoof hai. Ab bhoogat. Depression to hoga hi.”

Nephew : “ Pokemon Go nahi khelte naa… Depression to hoga hi.”

Neighbourhood waali Aunty : “ Hormones. Depression to hoga hi. ”

Boss : “ Sabse pehle office ka kaam, chahe ho neend haram. Warna, meri jaan… Depression to hoga hi.”

Quack : “ Poore body ka PET scan karna padega. Samasya ki jadd nahi milegi, to Depression to hoga hi.”

Cricket crazed fan : That bloody cheating umpire ! Galat LBW ka decision diya. Depression to hoga hi.”

Apple dealer : “ I phone 7 kyun nahi liya ? Depression to hoga hi.”

Bollywood : “ Pedon ke chaaron or dance nahi kiya ? Depression to hoga hi.”

Arnab Goswami : “ Depression ?? Why ? How ? Where were you hiding this ? The nation wants to know. We don’t buy this crap – ‘Depression to hoga hi’!”

Communist : “ Aur is economy mein kya hoga ? ‘Depression’ to hoga hi.”

Kejriwal supporter : “ Ye saara kasoor Modi sarkaar ka hai. Depression to hoga hi.”

Indian government : “ We blame Pakistan. Depression to hoga hi.”